1ܗ̇ܝܓܵܗ ܝܠܸܦܠܲܢ ܕܡܝܼܠܹܛܵܐ ܟܹܐ ܦܵܝܫܵܐ ܗَܘܵܐ ܩܪܝܼܬܵܐ ܗ̇ܝ ܓܵܙܲܪܬܵܐ. 2ܘܐܵܢܝܼ ܒܲܪܒܪ̈ܵܝܹܐ ܡܘܼܚܙܹܐܠܗܘܿܢ ܠܟܸܣܠܲܢ ܪ̈ܲܚܡܹܐ ܙܵܘܕܵܐ ܡ̣ܢ ܥܵܕܲܬ؛ ܘܬܘܼܦܹܐܠܗ݇ܘܿܢ ܢܘܼܪܵܐ ܘܩܘܼܒܸܠܗ݇ܘܿܢ ܠܟܠܲܢ؛ ܣܵܒܵܒ ܕܡܸܛܪܵܐ ܪܵܒܵܐ ܘܩܲܪܬܵܐ ܕܐܝܼܬ ܗَܘܵܐ. 3ܘܦܵܘܠܘܿܣ ܫܩܸܠܹܗ ܕܲܣܬܵܐ ܕܩܸܪ̈ܫܹܐ؛ ܘܡܘܼܬܸܒܼܠܹܗ ܥܲܠ ܢܘܼܪܵܐ؛ ܘܦܠܸܛܠܵܗ̇ ܡܸܢܵܝܗܝ ܐܵܟܸܕܢܵܐ ܡ̣ܢ ܚܸܡܵܐ ܕܢܘܼܪܵܐ؛ ܛܦܸܠܵܗ̇ ܒܐܝܼܕܹܗ. 4ܘܟܲܕ ܚܙܹܐܠܗ݇ܘܿܢ ܒܲܪܒܪ̈ܵܝܹܐ ܠܗ̇ܝ ܓ̰ܵܢܵܘܵܪ ܬܠܝܼܬܵܐ ܒܐܝܼܕܹܗ ܐܵܡܪܝܼ ܗَܘܵܘ ܚܲܕ݇ ܠܗ̇ܘ ܐ݇ܚܹܪ݇ܢܵܐ؛ ܕܠܵܐ ܫܸܟ ܐܵܗܵܐ ܐ݇ܢܵܫܵܐ ܩܵܛܘܿܠܵܐ ܝ݇ܠܹܗ؛ ܕܟܲܕ ܚܠܸܨܠܹܗ ܡ̣ܢ ܝܵܡܵܐ؛ ܗܵܩܘܼܬܵܐ ܠܵܐ ܫܒܼܸܩܠܵܗ̇ ܐܸܠܹܗ ܕܚܲܝܹܗ. 5ܐܝܼܢܵܐ ܗ̇ܘ ܦܵܘܠܘܿܣ ܫܥܸܫܠܹܗ ܠܓ̰ܵܢܵܘܵܪ ܓܵܘ ܢܘܼܪܵܐ ܘܡܸܢܕܝܼ ܚܸܪܒܵܐ ܠܵܐ ܗ݇ܘܹܐܠܵܗ̇ ܠܹܗ. 6ܐܝܼܢܵܐ ܚܫܸܒܼܠܗܘܿܢ ܕܒܸܬ ܙܵܝܸܪ ܗَܘܵܐ؛ ܝܲܢ ܡܸܢܫܸܠܬܵܢܹܐ ܒܸܬ ܢܵܦܸܠ ܗ݇ܘܵܐ ܡܝܼܬܵܐ. ܘܟܲܕ ܪܵܒܵܐ ܥܕܵܢܵܐ ܣܦܸܪܗܘܿܢ ܘܚܙܹܐܠܗܘܿܢ ܕܡܸܢܕܝܼ ܚܸܪܒܵܐ ܠܵܐ ܗ݇ܘܹܠܵܗ̇ ܠܹܗ؛ ܡܘܼܚܠܸܦܠܗ݇ܘܿܢ؛ ܘܐ݇ܡܸܪܗܘܿܢ ܕܐܲܠܵܗܵܐ ܗَܘܵܐ. 7ܐܝܼܢܵܐ ܐܝܼܬ ܗَܘܵܘ ܡܘܼܠܟܵܢܹ̈ܐ ܗܲܪ ܒܗ̇ܝ ܕܘܼܟܵܐ ܕܚܲܕ݇ ܓܲܒܼܪܵܐ ܕܫܸܡܹܗ ܦܘܼܦܠܝܼܘܿܣ؛ ܕܝܼܗ݇ܘܵܐ ܓܘܼܪܵܐ ܕܓܵܙܲܪܬܵܐ ܘܩܘܼܒܸܠܹܗ ܐܸܠܲܢ ܒܒܲܝܬܹܗ ܬܠܵܬܵܐ ܝܵܘܡܵܢܹ̈ܐ ܒܚܲܕܘܼܬܵܐ. 8ܘܒܵܒܹܗ ܕܦܘܼܦܠܝܼܘܿܣ ܒܚܲܡܚܲܡܬܵܐ ܘܒܡܲܪܥܵܐ ܕܡܲܥܝܹ̈ܐ ܕܡܝܼܟܼܵܐ ܗَܘܵܐ؛ ܘܥܒܼܸܪܹܗ ܠܟܸܣܠܹܗ ܦܵܘܠܘܿܣ ܘܨܘܼܠܹܐܠܹܗ؛ ܘܡܘܼܬܸܒܼܠܹܗ ܥܲܠܘܼܗܝ ܐܝܼܕܹܗ ܘܒܘܼܣܸܡܠܹܗ. 9ܘܟܲܕ ܐܵܗܵܐ ܗ݇ܘܹܐ ܠܵܗ̇؛ ܐܘܼܦ ܐ݇ܚܹܪ̈݇ܢܹܐ ܐܵܢܝܼ ܕܡܸܪ̈ܥܝܹܐ ܗَܘܵܘ ܓܵܘ ܓܵܙܲܪܬܵܐ؛ ܐܵܬܝܼ ܗَܘܵܘ ܠܟܸܣܠܹܗ ܕܦܵܝܫܝܼ ܗَܘܵܘ ܒܘܼܣܡܹܐ. 10ܘܒܐܝܼܩܵܪܹ̈ܐ ܓܘܼܪܹ̈ܐ ܡܝܘܼܩܸܪܗܘܿܢ ܐܸܠܲܢ؛ ܘܟܲܕ ܒܸܦܠܵܛܵܐ ܝ݇ܘܲܚ ܗَܘܵܘ ܡ̣ܢ ܬܵܡܵܐ. ܡܘܼܬܸܒܼܠܗ݇ܘܿܢ ܙܘܵܕܹ̈ܐ ܠܣܢܝܼܩܘܼܬܲܢ. 11ܘܒܵܬ݇ܪ ܬܠܵܬܵܐ ܝܲܪ̈ܚܹܐ ܛܪܹܐܠܲܢ ܒܓܵܡܝܼ ܐܵܠܸܟܼܣܲܢܕܪܵܝܬܵܐ؛ ܕܦܝܼܫܬܵܐ ܗَܘܵܐ ܒܣܸܬܘܵܐ ܓܵܘ ܓܵܙܲܪܬܵܐ؛ ܕܢܝܼܫܲܢܩܵܐ ܕܥܲܠܘܼܗ̇ ܝܼܗ݇ܘܵܐ؛ ܓ̰ܲܡܹ̈ܐ. 12ܘܟܲܕ ܐ݇ܬܹܐܠܲܢ ܠܣܵܪܵܩܘܿܣܵܐ؛ ܦܸܫܠܲܢ ܬܵܡܵܐ ܬܠܵܬܵܐ ܝܵܘܡܵܢܹ̈ܐ. 13ܘܡ̣ܢ ܬܵܡܵܐ ܚܕܸܪܲܢ ܘܡܛܹܐܠܲܢ ܠܪܸܓܼܝܘܿܢ ܡܕܝܼܢَܬܵܐ؛ ܘܒܵܬ݇ܪ ܚܲܕ݇ ܝܵܘܡܵܐ ܡܚܹܐܠܹܗ ܥܲܠܲܢ ܦܵܘܚܵܐ ܕܬܲܝܡܢܵܐ؛ ܘܒܬܪܹܝ ܝܵܘܡܵܢܹ̈ܐ ܐ݇ܬܹܐܠܲܢ ܠܦܘܼܛܝܹܐܠܘܿܣ. 14ܘܡܘܼܫ݇ܟ̰ܸܚܠܲܢ ܬܵܡܵܐ ܐܲܚܘܿܢܘܵܬܹ̈ܐ؛ ܘܦܘܼܪܦܸܠܗ݇ܘܿܢ ܒܝܼܲܢ ܕܦܵܝܫܵܚ ܬܵܡܵܐ ܫܲܒܼܥܵܐ ܝܵܘܡܵܢܹ̈ܐ ܘܗܲܕܟܼܵܐ ܐ݇ܬܹܐܠܲܢ ܠܪܗ݇ܘܿܡܹܐ. 15ܘܟܲܕ ܫܸܡܸܥܠܗ݇ܘܿܢ ܐܲܚܘܿܢܘܵܬܹ̈ܐ ܕܬܵܡܵܐ؛ ܦܠܸܛܠܗ݇ܘܿܢ ܠܐܘܼܪܚܲܢ ܗܲܠ ܐܵܦܝܼܘܿܣ ܦܘܿܪܘܿܣ؛ ܘܗܲܠ ܬܠܵܬ݇ ܕܸܟܵܢܵܢܹ̈ܐ. ܟܲܕ ܚܸܙܝܵܝܠܹܗ ܦܵܘܠܘܿܣ؛ ܫܘܼܟܸܪܹܗ ܠܐܲܠܵܗܵܐ ܘܦܸܫܠܹܗ ܚܘܼܠܸܢܵܐ. 16ܘܥܒܼܸܪܲܢ ܠܪܗ݇ܘܿܡܹܐ؛ ܘܩܸܢܛܪܘܿܢܵܐ ܝܘܼܗَܒܼܸܠܹܗ ܕܲܣܬܘܼܪ ܠܦܵܘܠܘܿܣ ܕܫܵܪܹܐ ܒܢܲܦ̮ܫܹܗ ܥܲܡ ܣܲܪܒܵܙ ܕܒܸܢܛܵܪܘܼܗܝ ܗَܘܵܐ. 17ܘܒܵܬ݇ܪ ܬܠܵܬܵܐ ܝܵܘܡܵܢܹ̈ܐ ܩܪܹܐܠܹܗ ܦܵܘܠܘܿܣ ܠܪܹ̈ܫܵܝܹܐ ܕܝܼܗ݇ܘܼܕܵܝܹ̈ܐ؛ ܘܟܲܕ ܓ̰ܡܸܥܠܗܘܿܢ؛ ܐَܡܸܪܹܗ ܐܸܠܵܝܗܝ؛ ܓܲܒܼܪܹ̈ܐ ܐܲܚܘܿܢܘܵܬ̈ܝܼ؛ ܐܵܢܵܐ ܟܲܕ ܡܸܢܕܝܼ ܠܵܐ ܥܒܼܸܕܠܝܼ ܕܲܪܩܘܼܒܼܠ ܕܛܵܝܸܦܵܐ ܘܥܵܕܲܬܹ̈ܐ ܕܐܲܒܼܵܗ̈ܵܬܲܢ؛ ܦܸܫܠܝܼ ܣܘܼܦܝܵܐ ܐܲܣܝܼܪܵܐ ܡ̣ܢ ܐܘܿܪܸܫܠܸܡ ܠܐܝܼܕܵܐ ܕܪ̈ܗ݇ܘܿܡܵܝܹܐ. 18ܘܐܵܢܝܼ ܟܲܕ ܩܲܡ ܒܵܩܪܝܼ ܠܝܼ ܒܥܹܐܠܗܘܿܢ ܕܫܵܪܝܼ ܗَܘܵܘ ܠܝܼ؛ ܣܵܒܵܒ ܕܠܲܝܬ ܗَܘܵܐ ܒܵܬ݇ܪܝܼ ܠܵܘܡܵܐ ܡܸܢܕܝܼ ܕܚܵܫܸܚ ܠܡܵܘܬܵܐ. 19ܐܝܼܢܵܐ ܟܲܕ ܗܲܡܙܸܡܝܼ ܗَܘܵܘ ܠܕܲܪܩܘܼܒܼܠܝܼ ܝܗ݇ܘܼܕܵܝܹ̈ܐ؛ ܦܸܫܠܝܼ ܡܘܼܠܝܸܨܵܐ ܕܡܲܩܘܸܚܸܢ ܒܚܵܨܹܗ ܕܩܹܣܲܪ؛ ܠܵܐ ܐܲܝܟܼ ܕܐܝܼܬ ܗَܘܵܐ ܠܝܼ ܡܸܢܕܝܼ ܕܡܵܚܸܢ ܕܲܪܗܲܩ ܠܡܸܠܲܬܝܼ. 20ܣܵܒܵܒ ܕܐܵܗܵܐ ܒܥܹܐܠܝܼ ܡܸܢܵܘܟܼܘܿܢ ܕܐܵܬܝܼܬܘܿܢ ܘܚܵܙܹܢܵܘܟܼܘܿܢ ܘܗܵܩܸܢ ܗَܘܵܐ ܠܵܘܟܼܘܿܢ ܐܲܢܹܐ؛ ܣܵܒܵܒ ܕܥܲܠ ܣܲܒܼܪܵܐ ܕܝܼܣܪܵܝܹܠ ܐَܣܝܼܪܵܐ ܝ݇ܘܸܢ ܒܐܵܗܵܐ ܫܸܫܸܠܬܵܐ. 21ܘܐܵܡܪܝܼ ܐܸܠܹܗ ܐܵܢܝܼ؛ ܐܲܚܢܲܢ ܠܹܐ ܝ݇ܘܲܚ ܡܩܘܼܒܠܹܗ ܡ̣ܢ ܝܼܗܘܼܕ ܟܬܵܒܼܵܐ ܒܘܼܬܿ ܕܝܼܘܼܟܼ؛ ܘܠܵܐ ܐ݇ܢܵܫܵܐ ܡ̣ܢ ܐܲܚܘܿܢܘܵܬܹ̈ܐ ܕܐ݇ܬܹܐܠܗ݇ܘܿܢ ܡ̣ܢ ܐܘܼܪܸܫܠܸܡ ܐَܡܸܪܘܿܢ ܡܸܢܕܝܼ ܕܚܸܪܒܵܐ ܒܘܼܬܿ ܕܝܼܘܼܟܼ. 22ܐܝܼܢܵܐ ܐܲܚܢܲܢ ܒܸܒܥܵܝܵܐ ܝ݇ܘܲܚ ܕܫܵܡܥܲܚ ܡܸܢܘܼܟܼ ܡܸܢܕܝܼ ܕܒܸܚܫܵܒܼܵܐ ܝَܘܸܬ؛ ܣܵܒܵܒ ܐܵܗܵܐ ܝܘܼܠܦܵܢܵܐ ܒܝܼܕܵܥܝܵܐ ܝ݇ܘܲܚ ܕܒܟܠ ܕܘܼܟܵܐ ܟܹܐ ܠܵܝܡܝܼ ܠܹܗ. 23ܘܟܲܕ ܥܒܼܸܕܠܗ݇ܘܿܢ ܩܵܘܠܵܐ ܥܲܡܹܗ ܚܲܕ݇ ܝܵܘܡܵܐ؛ ܐ݇ܬܹܐܠܗ݇ܘܿܢ ܪܵܒܵܐ ܠܟܸܣܠܹܗ ܐܲܝܟܵܐ ܕܫܸܪܝܵܐ ܗَܘܵܐ؛ ܘܡܘܼܕܸܥܠܹܗ ܐܸܠܵܝܗܝ ܥܲܠ ܡܲܠܟܘܼܬܵܐ ܕܐܲܠܵܗܵܐ؛ ܘܣܵܗܸܕ ܗَܘܵܐ ܘܡܲܗܡܸܢ ܗَܘܵܐ ܠܗ݇ܘܿܢ ܒܘܼܬܿ ܕܝܼܫܘܿܥ؛ ܡ̣ܢ ܢܵܡܘܿܣܵܐ ܕܡܘܼܫܹܐ ܘܡ̣ܢ ܢܒܼܝܼܹ̈ܐ؛ ܡ̣ܢ ܨܲܦܪܵܐ ܘܗܲܠ ܪܲܡܫܵܐ. 24ܘܐ݇ܢܵܫܹ̈ܐ ܡܸܢܵܝܗܝ ܗܘܼܡܸܢܗ݇ܘܿܢ ܠܗܹܡܸܙܡܵܢ̈ܘܼܗܝ؛ ܘܐ݇ܚܹܪ̈݇ܢܹܐ ܠܵܐ ܡܘܼܨܝܸܬܠܗܘܿܢ. 25ܘܦܠܸܛܠܗ݇ܘܿܢ ܡ̣ܢ ܠܟܸܣܠܹܗ؛ ܟܲܕ ܠܵܐ ܣܘܼܙܓܸܪܗ݇ܘܿܢ ܡܸܚܕܵܕܹ̈ܐ؛ ܟܲܕ ܐَܡܸܪܹܗ ܐܸܠܵܝܗܝ ܦܵܘܠܘܿܣ ܐܵܗܵܐ ܗܹܡܸܙܡܵܢ؛ ܨܦܵܝܝܼ ܗܘܼܡܙܸܡܠܹܗ ܪܘܼܚܵܐ ܕܩܘܼܕܫܵܐ ܒܝܼܲܕ ܐܹܫܲܥܝܵܐ ܢܒܼܝܼܵܐ ܠܐܲܒܼܵܗܵܬܵܘ̈ܟܼܘܿܢ؛ 26ܟܲܕ ܐܵܡܸܪ؛ ܙܹܠ݇ ܠܟܸܣ ܕܐܵܗܵܐ ܛܵܝܸܦܵܐ؛ ܘܐ݇ܡܘܿܪ ܐܸܠܵܝܗܝ؛ ܕܫܡܵܥܝܵܐ ܒܸܬ ܫܵܡܥܝܼܬܘܿܢ ܘܠܹܐ ܦܵܪܡܝܼܬܘܿܢ؛ ܘܚܙܵܝܵܐ ܒܸܬ ܚܵܙܹܝܬܘܿܢ ܘܠܹܐ ܝܵܕܥܝܼܬܘܿܢ. 27ܣܵܒܵܒ ܕܚܠܸܥܡܠܹܗ ܠܸܒܹܗ ܕܐܵܗܵܐ ܛܵܝܸܦܵܐ؛ ܘܢܵܬܝܵܬܵܝ̈ܗܝ ܝܘܼܩܪܸܢܗܘܿܢ؛ ܘܥܲܝܢܲܝ̈ܗܝ ܥܟ̰ܸܡܠܗ݇ܘܿܢ؛ ܕܠܵܐ ܚܵܙܝܼ ܒܥܲܝܢܵܝ̈ܗܝ؛ ܘܫܵܡܥܝܼ ܒܢܵܬܝܵܬܵܝ̈ܗܝ؛ ܘܦܲܪܡܝܼ ܒܸܠܸܒܵܝܗܝ؛ ܘܕܵܝܪܝܼ؛ ܘܒܵܣܡܸܢܗܘܿܢ. 28ܒܲܣ ܦܵܝܫܵܐ ܝ݇ܕܥܝܼܬܵܐ ܐܸܠܵܘܟܼܘܿܢ؛ ܕܠܛܵܝܸܦܹ̈ܐ ܦܸܫܠܹܗ ܫܘܼܕܪܵܐ ܐܵܗܵܐ ܦܘܼܪܩܵܢܵܐ ܕܐܲܠܵܗܵܐ؛ ܘܐܵܢܝܼ ܒܸܬ ܫܵܡܥܝܼ ܐܸܠܹܗ. 29ܘܟܲܕ ܐܲܢܹܐ ܐَܡܸܪܹܗ ܦܠܸܛܠܗَܘܿܢ ܝܗَܘܼܕܵܝܹ̈ܐ؛ ܘܪܵܒܵܐ ܕܵܪܫܝܼ ܗَܘܵܘ ܒܹܝܠ ܓܵܢܵܝܗܝ. 30ܘܫܪܹܐܠܹܗ ܬܲܪ̈ܬܹܝ ܫܸܢܹ̈ܐ ܬܲܡܵܡ ܓܵܘ ܒܲܝܬܵܐ ܕܕܒܼܝܼܩܵܐ ܡ̣ܢ ܓܵܢܹܗ ܒܟܸܪܝܼ؛ ܘܩܵܒܸ̇ܠ ܗَܘܵܐ ܬܵܡܵܐ ܠܟܠܵܝܗܝ ܐܵܬܝܵܢܹ̈ܐ ܠܟܸܣܠܹܗ؛ 31ܕܡܲܟܪܸܙ ܗَܘܵܐ ܒܘܼܬܿ ܕܡܲܠܟܘܼܬܹܗ ܕܐܲܠܵܗܵܐ؛ ܘܡܵܠܸܦ ܗَܘܵܐ ܒܟܠܵܗ̇ ܓ̰ܘܼܪܐܲܬ ܒܘܼܬܿ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܕܠܵܐ ܡܲܟܠܵܝܬܵܐ.